 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Не зьвяліся
Ласкі сэрцакрады.
Вось і ў гэтай,
Зманлівай цішы
Мы з табой
Сьвятыя перад праўдай,
Чыстыя –
Прад споведзьдзю душы.
Ці сяйво
Ад месяца-дальтоніка
Прабівае космы стрэчных хмар?
Лістам падарожніка
Далонь твая
Астуджае мой гарачы твар.
Расхінецца
Міласьць небакраю.
Вусны,
Разгарайцеся ў мальбе!
Я сама сябе
Яшчэ ня знаю –
Поўна адкрываючы цябе.
Будзіць сэрца
Дзённую заранку.
Молада
Выпырхвае трава.
Ўсё забуду!
Ўспомню сполах ранку
I надлом брыва.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
